O programa Seráns de Ames estase a converter nunha das iniciativas con maior afluencia de público da programación municipal de verán. A edición que vén de rematar combinou espectáculos musicais, actividades de danza, novo circo, monicreques e monólogos.
As sete sesións dos Seráns de Ames celebráronse en Tapia, Bugallido, Biduído e Agrón. Deste xeito, trátase de achegar a programación municipal ás parroquias do rural de Ames.
En xullo, tras o pregón inaugural da programación, a cargo da escritora e xornalista amesá Paula Señarís, tiveron lugar as actuacións de Maianas e Sr. Salvaje e o espectáculo de danza-circo A vida tola de Pajarito.
En agosto houbo catro sesións dos Seráns de Ames, con Xogos do Paporrubio, o espectáculo de monicreques Varietés do animalario, a sesiómn de versións musicais da Banda de Nash e a foliada do programa Apego, que incluíu a actuación musical de Pablo Díaz e Olga Kirk. O programa pechouse o xoves 29 na praia fluvial de Tapia co espectáculo do monologuista Manolo Boquete.
