-¿Qué, ho?
-¡Lo, lo, lo, lo, looo, loroo lo looooo!
-¿Vas tirar tol verano con esa risina tan ofensiva?
-Tovía toi esperando.
-¿El qué?
-Una felicitación.
-Mandete un whatsapp.
-Mandastime hosties. ¡Lo, lo, lo, lo, looo, lorooo lo looooo!
-Valió, Juanluis. Valió. Nun sé cómo te aguanta la mi hermana.
-¿Por?
-Mira, lo de la risina val, pero que te pongas a xiblar “Verano Azul”…
-¡Lo, lo, lo, lo, looo, lorooo…!
-¿Quiés callar? ¡Son ganes de provocar!
-Tas quemau, ¿eh?
-¿Yo? Va ser del sol.
-Sí, ho. Garrasti color. ¡Jojojo! ¡Qué mal tomáu yes!
-Esti añu teníemos que veranear por separao, Juanluis.
-¿Qué ye, que nun podemos falar tranquilamente, como parientes?
-¿Vas volver colo del barro? ¡Pesáu yes!
-¿Y tu colo de Turín y Turón?
-Mira, Juanluis, tienes muncho rencor acumulao y…
-¿Yo? ¿Qué dices, ho?
-Enriba de tener que viajar juntos…
-Juntos, sí, pero yo viajo en primera, ¿oíste? ¡Jojojo!
-Bastante desgracia ye convivir n’una familia futbolísticamente desestructurá…
-Ye cosa tuya, Severino. Los nenos tan jugando tranquilamente y les muyeres llévense genial… ¡Lo, lo, lo, lo, looo, lorooo lo looooo!
-¿Quiés dejar de xiblame “Verano Azul” a la oreya? ¡Chanquete morrió cuantayá!
-Ye que ta quedando un verano tan guapu…
-Será pa ti, Juanluis.
-N’Asturies ye bueno pa toos, Severino.
-Sí, ho.
-Les playes se llenan de banderas azules: Salinas, Aguilar, Rodiles…
-¡San Lorenzo no! ¡Cuidao ahí, Juanluis, cuidado ahí!
-Peor pa vosotros.
-Nin falta, ¿oíste? A mi danme una bandera azul y devuélvola. ¡Taría guapo!
-A ver, cuñáu, tienes que mentalizate de qu’hai un cambéu de ciclo. Y esto ye bien positivo pa la comunidá. Les coses van ser d’otra manera. Y…
-¡Juanlu, nun me toques los güevos! Vete a contar milongas al Papa de Roma!
-Home, claro! ¡Yá-y pidimos audiencia!
-¿Al Papa, ho? Lo vuestro ye mui gordo…
-Ye lo qu’hai, Severino. Los dos vamos visitar León.
-¿Cómo ye, ho?
-Vosotros a la Cultural y nosotros a León XIV. ¡Jojojo!
-¿Vas tar asi toles vacaciones? ¡Porque garro l’avión y vuelvo pa la Fresneda!
-¡Lo, lo, lo, lo, looo, lorooo lo looooo!
-Anda, Piraña, paga un cacharru, que vas acabar amargàndome les vacaciones.
-¡Volvimoooooos! Ta too pago.
www.maxirodriguez.net
Suscríbete para seguir leyendo
