AXENDA CULTURAL SANTIAGO | O fin das festas de San Pedro, entre os plans para este domingo en Compostela

Por

junio 29, 2025

Fin de festa con sesión vermú en Busto e romaría en San Pedro

FESTAS . As festas do barrio de San Pedro chegan ao seu remate despois de cinco días cunha romaría popular no parque de Belvís.

Haberá polbo e churrasco, ademais de xogos tradicionais e bingo musical. O programa dominical inclúe tamén unha pachanga de barrio no campo de fútbol de Belvís, alboradas ás 12h e baile tradicional da Xuntanza ás 13h.

Ademais, a parroquia de Busto encara a súa segunda e derradeira xornada de festa con misa solemne ás 13.30h e sesión vermú a continuación, coa música de Argalleiros e Dúo Dilema.

A Fundación Granell celebra o Día do Orgullo cunha lectura colectiva

LITERATURA. Este domingo a partir das 11.30 da mañá a Fundación Granell celebra o Día do Orgullo con LeComigo na terraza.

Guiado pola escritora Eva Mejuto e coordinado por Mercedes Corbillón, os asistentes serán recibdos cun café e comezará a lectura en silencio durante unha hora, para logo comentar as lecturas cun vermú nas mans.

A Fundación anima a levar cada un o seu libro, pero en caso de non ter ningún desta temática, na actividade haberá unha selección de préstamo.

Cita musical no bar Arume con Iria Nouche

CONCERTO. O café bar Arume (Praza de Fuenterrabía, 4) acolle esta noite de domingo un novo concerto a partir das 21.30h coa cantante pop Iria Nouche na modalidade de entrada inversa.

A outra cita musical do día será en sesión vermú ás 13.30h no pub O Transistor de Bertamiráns, e correrá a cargodo grupo Soylent Green Project, tamén con entrada inversa.