Co obxectivo de poñer en alza o traballo dos profesores do Concello da Estrada que esten no ano da súa xubilación, creouse o Día do Mestre, unha homenaxe que celebrará a súa primeira edición o vindeiro martes 24 de xuño.
O evento organizaráse no Teatro Principal e comezará a partir das 13.00 horas. Segundo o Concello será «un acto sinxelo pero cargado de simbolismo, chamado a facer visible un recoñecemento a todos os docentes que realizan un labor transcendental para a formación da sociedade estradense». Para poder realizalo, o Concello fixo unha sondaxe en todos os centros educativos da Estrada, tanto colexios coma institutos. Esta consulta, de acordo coa concelleira de Educación, Amalia Goldar, permitiu pulsar un positivo retorno á proposta. Sen embargo, a asistencia á ceremonia é voluntaria, polo que non todos os mestres que den clase en centros educativos da Estrada acoderán ao evento.
Polo momento, están confirmadas ao departamento de Educación a asistencia de sete profesores, tres do IES Avelina Valladares; tres do IES Manuel García Barros e un do CEIP Pérez Viondi, os cales recibirán un aplauso público para conmemorar a súa traxectoria como educadores.
“Algúns serán da Estrada e outros xa case estradenses de adopción porque levan moito tempo aquí. Con máis anos ou menos, o que queremos é que os que se xubilan neste curso que agora remata leven este cariño da sociedade estradense”, explicou o alcalde, Gonzalo Louzao Dono.
O mandatario tamén subraiou que estos docentes, nalgúns casos, impartiron aulas a moitas xeracións de veciños da Estrada, e que “co seu labor formativo están axudando a construír a sociedade do presente e do futuro da Estrada, un traballo que quixemos recoñecer e agradecer con esta cariñosa despedida”, engadiu.
Louzao Dono destacou que o Día do Mestre nace coa intención de perdurar no tempo, co obxectivo de que cada ano se poida homenaxear o profesorado que, sexa ou non da Estrada, remate a súa traxectoria profesional nun centro educativo do municipio.
