Val do Dubra celebra o Día das Letras Galegas cun amplo programa cultural que se estende ao longo de todo este mes e que ten como eixo principal a poesía oral galega e as cantareiras, protagonistas este ano e que ademais contan cunha fonda tradición no propio val dubrense, de onde son famosas as súas tocadoras de pandeireta.
O Concello apostou por actividades pensadas para todas as idades, con especial atención ao público infantil e xuvenil, co obxectivo de semebtar o interese pola tradición oral, a música e a palabra e co aprendizaxe do galego sempre presente.
As actividades comezaron o xoves 8 de maio co espectáculo teatral Brincadeira de lingura, a cargo de Migallas Teatro. O martes 13 foi a quenda de Montserrat Rivera, quen presentou o seu contacontos Cóntoche un traxe.
Na véspera do Día das Letras Galegas, celebrouse un obradoiro de regueifas impartido por Silvia García Suárez, onde o público puido achegarse á improvisación en verso, soñecer a súa historia e mesmo probar e compoñer as súas coplas.
A pogramación rematará o venres 23 cun concerto didáctico titulado Axudádeme a cantar, da man de Felisa Segade e novamente Montserrat Rivera.
