Una esposición na que s’entemecen nueve artistes xixoneses o mui venceyaos a la ciudá, y que permiten al espectador averase, al traviés d’una trentena de cuadros, a la escena pictórica del sieglu XX en Xixón. Nel Muséu Evaristo Valle acaba d’abrir al públicu la esposición que recueye les obres de Javier del Río, Evaristo Valle, Nicanor Piñole, Orlando Pelayo, Antonio Suárez, Rubio Camín, Pelayo Ortega, Aurelio Suárez y Mariano Moré. Sol títulu «Pintores xixoneses del sieglu XX na Coleición Fernández Ugarte» puede apreciase material documental procedente del archivu personal de Félix Sevilla del Valle y los Museos Casa Natal de Xovellanos y Evaristo Valle.
«Cola ayuda del Gobiernu del Principáu d’Asturies»
