Les especies invasores amenacen la capacidá de los montes p’almacenar carbonu nel suelu, lo que podría amenorgar el so impactu a la d’apangar el cambiu climáticu. Un estudiu lideráu por Adrián Lázaro Lobo, profesor ayudante doctor de la Universidá d’Uviéu, revela que «los montes apoderaos por especies introducíes almacenen más carbonu nel compartimientu aéreu». Esti fenómenu, indiquen, puede tener «implicaciones de muncha importancia sobre la durabilidá y vulnerabilidá del carbonu frente a les perturbaciones» como’l vientu. Los autores conclúin que les polítiques forestales empobinaes al almacenamientu de carbonu al llargu plazu tendríen de caltener y promover montes nativos.
«Cola ayuda del Gobiernu del Principáu d’Asturies»
