O alcalde de Rianxo, Julián Bustelo, inaugurará o vindeiro venres 17 a exposición Os Homes, por Castelao, do coleccionista Roberto Taboada. E o sábado 18 terá lugar o concerto Merendola Desconcertante, a cargo de deBiselas Cuarteto.
O venres 24 presentarase o libro Luís Seoane-Isaac Díaz Pardo. Cartas (1956-1979), a cargo de Xosé Luís Axeitos (editor literario e académico da RAG), Valentín García (secretario xeral de Lingua), Xosé Díaz (deseñador e académico da AGBA) e o alcalde, Julián Bustelo. O sábado 25 representarase a obra de teatro Dúo Vaguedades, de Artefeito producións.
O venres 31 presentarase o libro Os mortos que amei, de Iria Collazo (Editorial Galaxia), coa participación no novelista Antón Riveiro Coello, María Xesús Blanco (presidenta da asociación Barbantia) e Marcos Calveiro (de Editorial Galaxia).
Dito acto incluirá unha intervención artística a cargo do escultor Camilo Seira e a actuación musical do pianista Leo Sánchez Figueiro.
Todas estas propostas inclúense na programación dos actos organizados polo Concello para conmemorar o 75 cabodano de Castelao, e terán lugar no auditorio ás 20.30 horas.
Xa en febreiro, o sábado 1 ao mediodía terá lugar unha ofrenda floral ante o busto de Castelao no Paseo da Ribeira.
, a cargo de Xosé Luís Axeitos (editor literario e académico da RAG),){kind=link}