O Museo de Bergantiños, ubicado en Carballo, acolle a exposición Beléns do mundo, organizada polo Concello de Carballo e a Deputación da Coruña, na que se poden ver 315 dos máis de 2.500 beléns que atesoura o Museo Santxotena de Álava.
A exposición ofrece aos visitantes a oportunidade de viaxar polo mundo sen moverse de Carballo. Os beléns expostos mostran os costumes e tradicións de diferentes culturas a través da vestimenta e outros elementos. Ademais do valor cultural, Teresa Lafragua, comisaria da exposición, subliña a importancia social dos beléns e a tradición de montar o belén en familia.
Á esquerda, belén representativo de Perú, coa Sacra Famila nunha camioneta. / Cedida
A exposición inclúe beléns que abordan temas sociais, como un belén de Palestina que apoia ás ONG e outro que representa aos membros da Sacra Familia como refuxiados con mantas da Cruz Vermella.
A exposición estará aberta ata o 12 de xaneiro no seguinte horario: os martes de 10.00 a 14.00 horas; de mércores a venres, de 10.00 a 14.00 e de 17.30 a 19.30; e os sábados e domingos de feira, de 11.00 a 14.00 horas.
A exposición pode visitarse ata o vindeiro día doce. / Cedida
