Ando a escribir estes días un traballo sobre o pensamento de Álvaro Cunqueiro, para un libro colectivo que preparan en Portugal. Cunqueiro foi un dos grandes escritores en galego e castelán e un xornalista que colaborou nos anos corenta co xornal ABC. Xa en Galicia escribiría no xornal compostelán La Noche, en El Progreso, La Voz de Galicia, e sobre todo, no Faro de Vigo, xornal co que comezou a colaborar nos anos cincuenta, ocupando os cargos de redactor a partir de 1961, subdirector de 1964 a 1965, e director de 1965 a 1970. O catedrático e erudito Isidoro Millán, calculou nuns 25 mil artigos a produción xornalística de Cunqueiro.
Fuente
