O Concello de Boiro anunciou este venres 27 de decembro a ampliación da capacidade para a fracción de recollida de podas no Punto Limpo de Espiñeira, unha medida que responde, segundo o propio Concello, ao incremento da demanda de residuos deste tipo nos últimos tempos.
Ademais, levouse a cabo unha renovación das placas identificativas do recinto para mellorar a información e facilitar o uso das instalacións.
Estas actuacións leváronse a cabo mediante unha subvención da Consellería de Medio Ambiente destinada a actuacións en materia de residuos de competencia municipal.
O Punto Limpo de Espiñeira, que funciona de martes a sábado en horario de 10.00 a 14.00 e de 16.00 a 20.00 horas, dispoñía anteriormente dun déposito de 20 metros cúbicos, un espazo insuficiente para cubrir a crecente demanda.
