A Clínica Dental Rebeca Ozores, en colaboración coa Asociación Boirense de Empresarios, Cáritas e Cruz Vermella, promove unha nova campaña de recollida de alimentos baixo o lema Doa un sorriso. A promotora da iniciativa asegura que pretende unir «a veciñanza de Boiro arredor dunha causa social e solidaria con aqueles sectores da poboación en risco de exclusión, con dificultades económicas e máis vulnerables».
A campaña desenvolverase dende o 27 de novembro ata o 7 de decembro e o prazo para anotarse os negocios está aberto.
Para incentivar a participación sortearase unha noite para dúas persoas nas Cabanas Os Balcóns Ría de Arousa, dous bonos da Clínica Dental Rebeca Azores e outros dous de 50 euros da ABE entre todas as persoas que fagan a súa achega. O sorteo realizarase o 30 de decembro.
No acto de presentación desta nova campaña participaron Raúl Treus, concelleiro de Servizos Sociais de Boiro; Juan José Bermúdez, párroco de Boiro e representante de Cáritas; Julio García, presidente de Cruz Vermella Boiro; Daniel García, presidente da Asociación Boirense de Empresarios; e Rebeca Ozores, xerente da clínica que promove esta nova iniciativa solidaria.
